Mars TogaSinaga





Toga Sinaga


Hamu Amang dohot hamu Inang naliat nalolo
Denggan bege hamu jala manat paihut ihut
Ima tarombo ni Oputta sitorop pinoppari
Toga Sinaga i nang tarbarita tahe

Di huta Urat do Bona Pasongit ni Sinaga i
Haojahan ni Opputta dohot pinoppar na i
Siani do mangareak sahat tu desa na walu i,
Liat portibion sude do diingani

Toga Sinaga marga na boloni tahe
Nga tarbarita be di sandok portibion
Sitolo Oppu, si sia ama i tahe
Ima Opputta Toga Sinaga i

Anak ni Toga Sinaga naung tarbarita i
Siraja Bonor ma i anakna siakkangan
Siraja Oppu Ratus mai anak sipaidua
Siraja Uruk siappudanna tahe

Tolu ma anak ni Oppui Siraja Bonori
Pande, Tiang ni Tonga, Suhut ni Huta i
Tolu ma i anak ni Oppu Siraja Oppu Ratus i
Tandang Ratu Sitinggi dohot Siokko Tahe
Siraja Uruk tolu ma anak na i
Ima Hatautan, Barita Raja Nang Sidatu Ungi
Gabe didok ma i Toga Sinaga i tahe sitolu Oppu sisia amai

Adong do tona ni Opputtai Toga Sinaga i
Tu hita akka pinoppar na i asa taingot be
Parhatian Sora Monggal, Paninggala, Sibola Tali,
Tu ginjang sora monggal, tu toru sora meret,
Sadia pe toroppe pinoppar ni Sinaga i
Tung naso jadi doi tahe marsioliani
Ai do hata poda dohot tona ni Opputtai
Sisada lulu anak
Sisada lulu boru

Tidak ada komentar:

Posting Komentar